Ikotofetsy sy Imahakà - 3) Ilay ariary teny an-tsena

Ilay ariary teny an tsena

0:00

/205.5

1×

Raha amin'ny teny frantsay, dia peho eto 👇

Ikotofetsy et Imahakà - 3) L’ariary au marché

Il était une fois, Ikotofetsy sy Imahakà se sont rencontrés au marché

Le Blog de Mose NjoMose Njo

Indray andro hono, nifanena teny an-tsena Ikotofetsy sy Imahakà. 

Samy nivarotra izy roalahy, Ikotofetsy nivarotra ramanonaka, moa Imahakà nivarotra koba.

NIfampijerijery fotsiny aloha izy roalahy tamin'ny voalohany, tsisy nahalafo na Ikotofetsy na Imahakà.

Ary samy noana ihany koa. Ikotofetsy te hihinana ny koban'Imahakà, moa Imahakà te hihinana ny ramanonak'Ikotofetsy.

Nanana ariary Ikotofetsy, izay ihany ny vola tany amina. Imahakà kosa tsy nanana na ny ariary aza. 

Dia hoy Ikotofetsy tamin'Imahakà:

"Ity misy ariary, omeo koba aho"

Dia nomen'Imahakà koba Ikotofetsy sady falifaly izy fa nahalafo koba, moa nahazo ariary ihany koa izy.

Dia hoy indray Imahakà tamin'Ikotofetsy;

"Ity misy ariary, omeo ramanonaka aho"

Dia nomen'Ikotofetsy ramanonaka Imahakà sady falifaly izy fa nahalafo ramanonaka, moa nahazo ariary ihany koa izy.

Nefa mbola te hihinana koba Ikotofetsy.

Dia hoy indray izy tamin'Imahakà:

"Ity misy ariary, omeo koba aho"

Dia nomen'Imahakà koba Ikotofetsy sady falifaly izy fa nahazo ariary, dia hoy indray Imahakà tamin'Ikotofetsy:

Ary mbola te hihinana ramanonaka nefa Imahakà.

Dia hoy indray izy tamin’Ikotofetsy:

"Ity misy ariary, omeo ramanonaka aho"

Dia nitohy ohatra an'izay foana. Ikotofetsy nividy koba, Imahakà nividy ramanonaka. Ilay ariray anankiray ihany no nivezivezy teo.

Ny farany, lany ny ramanonak'Ikotofetsy, lany koa ny koban'Imahakà. Voky be izy roalahy kinanjo taitra be tampoka Ikotofetsy fa ilay vola ariary tany am-paosiny tamin'ny voalohany efa tsy any aminy intsony. Imahakà indray falifaly ery fa nahazo ariary raha tsy nisy n'inon'inona tany aminy tamin'ny voalohany.

Fa ny tena nahafalifaly indrindra anazy dia hoy izy anakampony hoe:

"Voako ialahy ry Ikotofetsy"

Nisy ramatoa nandinika izy roalahy hatramin'ny voalohany, dia variana sady nieritreritra hoe raha nifantoka tamin’ny varotra koba sy ramanonanak izao Ikotofetsy sy Imahakà dia samy nitondra ariary be dia be nody tsirairay avy.