8
Nakipilin’ny rivotr’ilay takisiabe ny sangany, vao mainka nikorontana ny volony, toy ny an’ny Lucky Luke raha nanao soribilana fa tsy nahalala fihogo fotsiny.
Tsy nahahetsika Rabe nanoloana an’izany rehetra izany.
Gaga toy ny aloalo afovoan-dalana ambany elo mainty, ny reniny nitampify teo aminy. Nakipilin’ny rivotr’ilay takisiabe ny sangany, vao mainka nikorontana ny volony, toy ny an’ny Lucky Luke raha nanao soribilana fa tsy nahalala fihogo fotsiny. Elaela kely ny reniny vao nanoka-maso, nojereny tsara ny zanany lahy tokana tsy maty fo aman’aina, nobedainy ny lohany, ravoravo sy nandihizampapelika aoka izany ny fony. Notsongoiny ny takolan-janany, nimenomenona kely Rabe, izay vao tonga saina koa hoe afa-doza. Nampidinin-dRabe tsimoramora ilay elo, dia nakatony ary natodiny tany amin’ilay takisiabe nirefotra teo amin’ilay takelaby nitolefika ny masony. Efa niala tsikelikely ny mpandeha, vitsy sisa tavela tao anatiny, ary ilay mpamily izay tafavoaka voalohany indrindra kosa nanatona azy mianaka sady avo vava nanao hoe:
”Fa ianareo ve mba misaina e? Inona koa izao no ataonareo eo amin’ny milieu de la route eo? Efa hita fa pente ny lalana, voiture en action, dia ianareo mbola e e e sa ve hoe comment? (nariany ilay baoroka teny an-tanany dia namoaka sigara vaovao avy tao am-paosimpatalohany izy) Sao dia misy afo kely aloha any amin’ny toi any fa tsy hitako ny birikeko e?”
Ireo voambolana 8 👈
- soribilana
soritra na tsipika manasaraka ny volo, tsy eo afovoany, fa eo amin’ny ilany havia, na havanana
raie sur le côté - fihogo
fitaovana entina mibango volo
peigne - nandihizampapelika
faly izaitsizy
folle de joie - takelaby
takelaka lavalava vy mitsatoka misy toromarika
panneau - nitolefika
nitongilana, tsy nahitsy
se courber
Mose Njo