13
Nisy ra kely nitete teo amin’ny fihirifan’ilay tovovavy namonjy ny takolany, nofafany haingana tamin’ny lamba notafiany.
Teo am-baravarana Rabe, andeha ho any ivelany no nijanona tampoka izy.
Tsy nahahetsika.
Ny masony nidiridiry tsy hay hoe ahoana, ny vavany nisanasana, tankina tsy nahaloabava, ary ny tongony somary nangovitra kely mihitsy. Tsaroany tampoka ilay tovovavy. Tsy tonga saina izy raha tsy teo am-pivoahana ny fiangonana satria mbola variana, mbola revo tanteraka tao anatin’ny fijeriny sy ny hakantony. Teo izy vao tonga saina. Nisy ra kely nitete teo amin’ny fihirifan’ilay tovovavy namonjy ny takolany, nofafany haingana tamin’ny lamba notafiany.
Noheverin-dRabe fa hatsembohana na zavatra toy izany, tsy dia noraharahiany loatra tamin’izay fa teo am-baravarana izy vao tsy nahahetsika.
Navoakany ilay satroka ba tao am-paosiny, nofofoniny, dia nivoaka natosiny ny varavaram-piangonana. Banga ny fijeriny sady nangirana nahalala ny zavatra tadiavina nefa tsy nahafantatra hoe aiza no hahitany izany.
Naneno ny feon-trompetra voalohany tamin’izay. Saingy mbola tsy fantatry Rabe akory na ny kely aza hoe inona no dikan’izany trompetra naneno izany. Mbola tsy fantany ihany koa fa Lisy no anaran’ilay tovovavy.
Ireo voambolana 👉 13
- nisanasana
tsy nahateny tampoka
soudain silencieux - tankina
tsy nahateny tampoka
soudain silencieux - tsy nahaloabava
tsy nahavita niteny na inona na inona
n'arrivait pas à dire quoi que ce soit - revo
variana ka tsy mahatsiaro intsony izay ambonin’ny tany
complètement perdu dans ses pensées - fihirifana
faritry ny loha, eo anelanelan’ny sisin’ny maso sy ny ambonin’ny sofina
tempe
Mose Njo