Ilay zazavavikely sy ny afokasony anankitelo

Ilay zazavavikely sy ny afokasony anankitelo

0:00

/240.21

1×

Raha amin'ny teny frantsay, dia peho eto 👇

La petite fille et ses trois allumettes

Il était une fois, une petite fille qui demandait de l’argent aux passants, elle tremblait de froid, c’était l’hiver, et elle avait à peine de quoi se protéger du froid

Le Blog de Mose NjoMose Njo

Indray andro hono, nisy ankizivavikely mpangataka, nipararetran'ny hatsiaka. Ririnimbe ny andro, ary zara raha nisy akanjo notafiana izy.

Ny olona tamin'izay mailaka dia mailaka avokoa hody, hamonjy tokantrano, hamonjy hafanana, saingy ilay ankizivavikely mpangataka nitampify teny amorondalana, tsy sahy nody satria fantany fa raha tsy ampy ny vola azony dia darohan'ny raiamandreniny izy.

Koa dia nitampify teo izy, nitampify teo, tsy hitany loatra izay natao fa ny fantany dia mangatsiaka izaitsizy izy, ary tsy sahy mody ihany koa izy satria tsy ampy ny vola azony, ary matahotra ny raiamandreniny izy.

Tamin'izay indrindra no nisy ankizilahy kely nanatona izy. Nametraka boatin'afokasoka tao an-tanany, dia niteny hoe:

"Misy afokasoka telo ao anatin'io boaty io, ary isaky ny mandrehitra iray ianao, dia tanteraka ny faniriana anankiray izay safidinao"

Dia nitsiky kely taminy ilay ankizilahy kely, dia lasa.

Dia nandrehitra afokasoka iray ilay ankizivavikely, dia naniry mafy dia mafy izy hoe tsy hangatsiaka intsony. Dia tsy nangatsiaka intsony izy. Lasa niakanjo mafana dia mafana izy. Na ny lohany aza nisy satroka ba, ny tongony tsy nikiraro teo, lasa nikiraro matevina, ny patalohany ihany koa natevina, lasa nadio rahateo ny vatany iray manontolo tao anaty akanjo, ary faly dia faly ilay ankizivavikely fa tsy nangatsiaka intsony izy.

Saingy noana ilay ankizivavikely, noana be izy. Dia nandrehitra ny afokasoka faharoa izy, dia naniry mafy dia mafy hoe hisakafo. Dia nisy sakafo nipoitra teo anoloany. Sakafo sady natsiro no ampy azy tsara, tsy be loatra tsy kely loatra. Dia nihinana ilay ankizvavikely, dia voky tsara izy, ka faly dia faly izy fa tsy noana intsony.

Saingy nalahelo ny fony nieritreritra hoe mila mandeha mody any amin'ireo raiamandreny tsy tia azy akory, dia nandrehitra afokasoka ilay ankizivavikely dia naniry mafy dia mafy hoe hipetraka aman'olona tia azy, mikarakara azy, mitsinjo azy. Dia lasa tany amina tokantrano sady tia azy, no mikarakara azy, no mitsinjo azy ilay ankizivavikely, ka faly dia faly izy sady navitrika nianatra mba tsy ho lasa mpangataka intsony.